Zirtawpni khan Swedish campaigner Greta Thunberg buatsaihin sik leh sa inthlak danglam chak lutuk laka hmalak a nih theih zirna in hrang hrangah nawrh huaihawt a ni a, hei hi Friday for Future movement tih vuah a ni.
Kum 16 mi Greta Thunberg hian United Nations General Assembly-a khawvel ram hrang hrang hruaitute kalkhawmin sik leh sa inthlak danglam dan an sawi honaa hmalak dan tur an hriat loh chu a dem thu a sawi a ni.
Montreal-ah chuan mipui 3,15,000 vel an pungkhawm a, kum 2014 September thlaa New York-a sik leh sa inthlak danglam dan veng tura thuneitute nawr nana mipui pungkhawm aiin an tam a ni.
Canada-ah hian school, college leh university zawng zawng chu kharin zirlaiten kawng zawh hi an zawm ve a, sorkar pisa leh sumdawnna hmuna thawkte pawh chawlhtir vek an ni.
Kawngzawh muanawm tak neih a nih laiin mi pakhat Prime Minister, Justin Trudeau-a ina luh tum chu police ten an man a ni.
