Khawvela khawpui bawlhhlawh hmun thuma \hena hmun hnih chu India rama khawpuite an ni a, mipui tam lutuk vangte, lirthei tam lutuk vang leh lungalhthei laih chhuahna khur vang te, lo hal leh thil siamna hmun a\anga bawlhhlawh chhuak nasa lutuk vangte-in India, China leh Asia khawmualpuia khawpui \henkhat te chu a bawlhhlawh hle a, amaherawhchu, China-a khawpui \henkhat te chuan thianghlimna kawngah tun hnai khan hma an sawn hle a ni.

Sorkar laipui chuan faina lamah hma la mahse, thianghlimna kawngah India chuan hma a sawn mawh hle a, Air quality monitoring-a AirVisual director Yann Boquillod chuan Beijing-ah chuan ram hruaituten tih tur hmabak an tuk chu ngaihpawimawh hmasakah neiin an ti mai a, India ramah chuan hmasawnna hnathawh dan tur duang theitu sorkar chu mipuiten an nawr kal a ngai zawk a ni a ti.

Kum 2019 January thla khan boruak chhia tihziaawm nan sorkar laipui chuan eirawngbawlna atana thing hmangtu chhungkaw engemawzat te gas bur a pe a, National Clean Air Programme an buatsaih bawk a ni. Kum 2018-2019 khan khawpui vawn thianghlim kawngah India ram khawpui \henkhat chuan hma an sawn nia ngaih a ni a, amaherawhchu, kum hmasa lam nena khaikhin chuan hmasawnna a tam lutuk lo a ni.