Nimin chawhma dar 10 khan Centenary puala lungphun chu Pu Lallula Sailo-in a hawng a, hemi hnu hian Jubilee dar vawi 100 vuak a ni a. Hemi hnu hian an khaw Community Hall-ah VCP, Pu K. Vanlalvena kaihhruaiin Centenary lawmna hman zui a ni a, hetah hian Pu Sailothanga Sailo-in Centenary Souvenir a tlangzarh a. Organising Committee Secretary, Pu C. Roduhawma’n Centenary lawm tura an inpuahchah dan sawiin, Pu Remthanga’n Puilo khaw chanchin a sawi a, tlai lamah Puilo Field-ah Cultural Programme an hmang leh a ni. Nizan khan zai khawmpui neiin, vawiinah khan Centenary lawmna hi an hmang chhunzawm a, tlaiah khawtlang huapin Centenary ruai an theh a ni.
