Khawzawl Vengthara cheng kum 50 mi Sanghmingthanga chu khawtlang huapa zawn anih hnuah nimin chawhnu lam khan a ruang hmuh a ni a, a chhiat nasat tawh avangin nizan khan vuiliam nghal a ni.

Sanghmingthanga hi Thawh\anni khan Vengthar Branch YMA hmalaknain veng mipuiten an han zawng \an a, Khawzawl Group YMA leh Khawzawl Joint YMA te bultumin khawtlang huapa zawn chhunzawm a ni a, khaw \henawm Kawlkulh leh Hmuncheng khuaa mi tlawmngai te pawh bo zawnnaah hian an thawk chhuak a ni. Khawtlang huapa ni 5 zawn a nih hnuah nimin chawhnu dar 2:30 vel khan Khawzawl leh Tuichang inkar, Khawzawl atanga Km. 9 vela hla, Pumbuk kawr an tih, kawngpui atanga Metre 100 vel a hlaah, a ruang hi luiah hmuh a ni.