Hemi puala inkhawm Sports Minister, Pu Robert Romawia Royte pisaa neih hi Sports Director, Pu Zothangmawia’n a kaihruai a, Khelo India Youth Games, 2020 ah hian Mizoram a\angin infiammi 77 leh an mahni hruaitu engemaw zat an kal a, Sports discipline hrang hrang 20 inelna neihah Mizoram chu discipline 7- Judo, Table Tennis, Weightlifting, Wrestling, Football, Boxing, Hockey-ah te an tel a, Gold mefal 3, Silver 2, Bronze 5 an la a, a pumpuiah 24 na an ni.
Sports Minister chuan, Mizoram chu discipline 7-ah chauh a tel chunga medal \hahnem tak Mizo infiami ten an rawn hawn thei chu a chhua thu a sawi a. Football lamah Mizoram chu hriat a hlawh deuh avangin infiamna lama \ha ta deuh anga inngaih chi a ni lo tih sawiin, hmabak ala tam hle tih hriat a ngai a ni, a ti a. National level a infiami tam zawk an tel theih chu sorkarin a ngaihpawimawh tih a sawi. Pu Robert-a chuan, infiammite hma\hatna hrang hrang sorkar-in a duang tih sawiin, Lungleiah Sports & Youth Services Hostel thar peih fel \ep a nih thu a sawi a, playground changtlung zawk nei turin ruahman a nih thu te, kum 2 course a SYS Academy kalpui mek te chu Kum 4 ah tisanh tura hmalak a ni dawn tih sawiin, Sports Policy thar hmangin infrastructure bakah Sports Promotion ah nasa zawkin hma an la dawn tih a sawi.
