Heng hruaitute pathumte hian Kolasib Stadium sak mek an tlawh a, hetah hian Kolasib District Football Association ngen angin Sports Minister Pu Robert Romawia Royte chuan, Kolasib Stadium sak meka football ground dung seizawng tawi lutuk chu goal ban pahnih suan chhuak a, Metre ngaa tisei turin Department hotute a hrilh nghal a ni.
He Stadium sak meka Athletic track leh Football field inkara a hungna dah chuan Athletic track-a intlansiakna a tibuai thei dawna a lan avangin \hiah ni se an ti bawk a, Stadium Contractor leh Sub Contractor-te inkara buaina awm leh Court Case awm chu chinfel pui thuai turin Kolosib DC an hrilh bawk.
Hruaitute pathumte hian Kolasib Saidan-a SAI Centre thar dinna tur pawh an en a, Sports Minister, Pu Robert Romawia Royte chuan, SAI leh Mizoram sorkar \angkawpin Saidan-a SAI Centre din turah hian infiamna kawng hrang hranga thiam bik naupang za enkawl an ni dawn tih a sawi a. Chung naupangte chu Hostel-ah a thlawna enkawlin infiamna chi hrang hrang zirtir an ni ang a ti a. SAI Centre hnuaia Football Academy-ah pawh phul lem phah a ni dawn a, hemi atan hian SAI chuan sum pawh a ruahman fel tawh a ni, a ti.
Kolasib bialtu MLA, LAD Minister ni bawk, Pu K Lalrinliana pawhin, Kolasib khawpuiah ngei SAI Centre thar din a ni tur chu lawmawm a tih thu a sawi a, vawiin vek khan Sports Minister, Pu Robert Romawia Royte leh Mamit bialtu MLA, Pu H. Lalzirliana ten Mamit G&SA ground chei\hat dan tur te, Mamit Multi Purpose Hall leh Luangpawla Mamit DFA Football Ground siam dan tur an en bawk a ni.
