Kolasib Town Road Widening Committee chu an Chairman, Kolasib Bawrhsap, Pu R. Zarzosanga hovin vawiin khan DC Conference Hall-ah an thukhawm a, hetah hian CZS Point atanga PHE Office leh Electric Veng panna kawng leh Park Kawn atanga St. John Higher Secondary School peng inkar kawng siam zauh dan tur chungchang an sawiho. Kawngpui zauhna tura mimal, khawtlang leh zirna in sakna ram nek ngai te chinfel dan tur chu tun thla ni 14 leh 16-ah a hmuna kala enho ni se tia thu dah a ni a, mimal, khawtlang leh zirna in hotute chu in hawng taka hmalak pui atan an sawm a ni. He meeting-ah hian kawngpuia motor dah lova garage-a dah thei tura mipuite zirtirna pek a pawimawh thu pawh tarlan a ni. He meeting-ah hian sorkar officer te bakah khawtlang hruaitute pawh an tel a ni.
