Sorkar laipuiin West Bengal khawpui Kolkata chu Covid-19 inkaidarhna hmunpuia a puan tel avangin inkhuahkhirhna khauh zawka kalpui nghal a ni a, tun dinhmunah West Bengal-ah hian mi 162-in hri leng an kai tawh a, mi 10 an thi tawh bawk.
Ningani khan Kolkata hmar lam Belgachia leh hmun \henkhat chu khar a lo ni tawh a, Narkeldanga a\anga Rajabazar thlerpui chu kawng dan chah zingah a zau ber a, Police te ngawrh takin an duty a ni.
Police te chuan mipuite chu pawn chhuak lo turin an chah a, an mamawh thil hrang hrangte chu state sorkarin an ngaihtuahsak zel dawn tih an hrilh a ni.
Howrah-ah chuan police-ten mi veivak an enfiah reng a, Chief Minister, Mamata Banerjee chuan Howrah chu hri inkaidarh tamna hmun a nih vangin thuneitute chu kar hnih hnu lamah chuan red zone a\anga orange zone-a tlak thlak tir tum turin a hriattir a ni.
Sorkar laipui chuan rawng chi thum, a sen, serthlum rawng leh a hring hmangin hmun hrang hranga coronavirus kai tam dan hi a chhinchhiah a, a sen-a chhin chhiah, red zone chu coronavirus kai tam berna a ni a, serthlum rawng, orange zone chu kai tam vak lohna leh kai thar pun lutuk lohna hmun a ni a, a hringa chhin chhiah, green zone chu coronavirus kai awm lohna hmun a ni.
