Aizawl SP, Pu Neihchungnunga’n mipuiten Krismas leh Kumthar thlamuang taka an hman theih nan vemhimna khauh taka ken kawh a ni dawn tih Zonet a hrilh a. Ruahman tawh angin, Aizawl khawpui hmun remchang lai leh thingtlanga Police Station hrang hrangin an remchan deuh \heuhin khualzin phur motor khalhtute chu Breath Analyzer hmangin zu an ruih leh ruih loh an endik \hin a, nizan a\ang khan Aizawl khawpui chhungah rui chung leh dan kalha lirthei khalh an awm leh awm loh enfiah \an a ni bawk a, hei hi Police Station tinin an huam chhung \heuhah an remchan dang zelin an chhunzawm dawn niin a sawi. Pu Neihchungnunga chuan, Krismas leh Kumthar lo thleng tur chu mipuiten thlamuang taka an hmuh theih nan tun thla ni 11 a\ang khan khawpui daiah zan tin, Police Mobile Patrolling uluk taka neih a nih thu leh naktuk a\angin Rangvamual-ah Temporary Police Beat Post hawn a nih tur thu a sawi a, hetah hian táng motor, Prison Van pawh chhawp a nih tur thu leh dan bawhchhia an mante chungah dan anga an tih tur an tih tur thu a sawi a ni.
Police-te hian nizan khan Aizawl Dawrpui vengah lirthei vei vakte chu uluk takin an enfiah a, dan bawhchhia, mi 93 an man a, heng zinga mi 17 chu rui chhunga lirthei khalh an ni a. Heng an mi mante hnena pawisa an chawitir tling khawm chu cheng 57,400 a ni.
