Kohhran tam takin Krismas ni kha Pathianni anga hmangin a tuk ni 26 khan a lawmna ruai an \heh a, Krismas ni taka ruai \heh Kohhran tlem an awm bawk a, an zingah hian Roman Catholic Kohhran \henkhat pawh an tel a ni. Krismas hi District hrang hrangah pawh boruak \ha leh muanawm tak hnuaia hman a ni a, Lunglei khawpui leh Aizawl khawpui chhung hmun tam takah disposable plate, cup leh bowlte hmang lovin thleng pangngai, steel plate hman a ni a, hei hi environment tihchhiat lohna tura hmalakna mipuiten an \awmpuina a ni. Aizawl leh a chhehvelah chuan Krismas lawmna ruaina hi vawiinah nawn an awm lo nia hriat a ni a, Champhai leh Mamitah te chuan Krismas ruai nawn an awm nual a, Mamitah chuan Luangpawl Presbyterian Kohhran bakah Lungsir venga Baptist Kohhran ten an nawn a ni.
