Hemi puala inkhawm Sikulpuia Sikulsen tuala neihah Prism President, Pu Vanlalruata chuan, Bawrhsap ARH Mc Donald-a’n mipui aiawh a thlan chhuahtir ten British-in an chhuahsan huna Mizoram awm zel dan tur Bawrhsap Pisa-a an rel bawhzuina leh kum 1940-a an thu lo rel tawh bawhzuiin kum 1946 July ni 20 khan Lal leh Hnamchawm aiawhten rorel inkhawm an nei a, hetah hian ‘Mahnia Ro Inrel Duh Thu’ an lo rel tawh tih sawiin, hemi thu kal zelah hian kum 1947 February ni 21 pawh khan ‘Mahnia Ro Inrel Duh Thu’ hi hruaitu hmasate’n an rel leh a. Hemi bawhzui hian ‘Draft Constitution for Mizoram (The Lushai Hills District)’ pawh siam a lo ni tawh a ni, a ti. Hruaitu hmasate khan mahnia ro inrel turin thui tak ke an lo pen tawh a, he thil thleng leh ni pawimawh tak hi chawisan \ul an tih avangin kumin a\ang hian he ni hriatreng atan ‘Self Determination Day’ tih vuahin an hmang \an tih a sawi.
He inkhawm hi PRISM Consultant, Pu B. Vanlalhruaia’n a kaihruai a, pawl 5 CIPC, Joshua Operation, Mizoram BJP, ZO Indegenous leh ZORO aiawh te pawhin thu an sawi a. Hruaitu hmasa ten ‘Mahnia Ro Inrel Duh Thu’ an lo rel tawh hriatreng nan balloon 73 an chhuah a. PRISM President, Pu Vanlalruata leh ZoRO President, Pu R. Sangkawia’n Parva nupa an chhuah bawk a. ZoRO President, Pu R Sangkawia chuan, khawvel hmun hrang hranga cheng Zofaten rorelna pakhat hnuaia an luan za hun tur an thlir reng a ni a ti a, an hun hman lo hretu zawng zawng chu lungrual taka ke penpuiah a sawm a ni.
