Kum 1984-a Indira Gandhi kahhlum anih avanga Sikh te chunga tharum thawhna thlenga mawhphurtu-a puh, court in thiam loh a chantir Congress hruaitu Sajjan Kumar-a’n thuneitute hnena an inpek hun tur tih khawtlai a dilna chu Delhi High Court in a hnawl.

Delhi High Court chuan December ni 31 ral hmaa inpe turin a ti a, kum 73 mi ni tawh, Sajjan Kumar hian a tu leh fa te tan thil relfel tur engemawzat a neih chhuanlama hmangin inpekna hun atan January ni 31 thleng hun pe turin court hi a ngen a ni. Sajjan Kumar hi Delhi High court hian Raj Nagar-a chhungkaw pakhata mi 5 thah thubuaiah thiam loh chantirin a thih hma chu Jail tang turin a chungthu a rel a, amah hi khatih hunlaia helai bial a\anga MP a ni. Prime Minister hlui Indira Gandhi kahhlum anih hnua Sikh te laka tharum thawhna thleng chiamah khan mi 3000 chuang tih hlum an ni.