Dr. Shuping Wang hian HIV leh hepatitis hri leng a puan vang hian a hna a chan a, a clinic suasam a ni bawk. Hemi hnu hian US-a Utah-ah pemin hetah hian a thi a ni.
Dr. Shuping Wang hi Neuphrology Doctor a ni a, China-a HIV leh hepatitis hri leng a puan vang khan mi tam tak nunna chhanhim sak an ni.
London-ah chuan a thil tih \hat vangin vantlang hriselna kawnga thawktu mi huaisen tiin an sawi \hin a, China-a let leh chu atan thil hlauhawm a nih avangin let a tum tawh loh thu a sawi a ni.
Kum 1991 khan Chinese province-a Henan-ah Dr. Wang hi thisen lakkhawmna hmunah thawk turin ruat a ni a, hetih hunlai hian blood bank-ah mipuiten an thisen an hralh \hin a ni. Dr. Wang hian a thawhna hmuna thisen lakkhawm dan chu \ha lo a tih thu te, thisen an lakchhawn dan chu hriselna atan a \hat loh thu te, thisen petute zingah hepatitis C inkaichhawng an awm thu te a sawi a, a thawhpuite chu thisen an lak dan chu thlak turin a ngen a, amaherawhchu, a ngenna chuan ngaihpawimawh a hlawh lem loh avangin Ministry of Health-ah zualkova, Health Ministry chuan thisen petu zawng zawngte chu hepatitis C an vei leh vei loh enfiah vek turin a hriattir a ni.
Dr. Wang hian thisen an lak pakhat chu HIV positive a nih tih a hriat veleh a thisen petu chu a hriattir nghal a, amaherawhchu, hemi hnu pawh hian a thisen chu \um 4 a hralh leh tho a ni. Hemi hnu hian Henan Province-a thisen lakna hmun zawng zawng chu HIV test turin a hriattir a, a thawhpuite chuan Dr. Wang-i thil tih chuan an sumdawnna a tibuai nia sawiin an hek a, a hna a chan phah bakah a in leh lo te an suam bawk a ni.
