Kum 2008 September ni 26-a Mumbai khawpui beih a nih cham-ah US Department of State hnuaia a firfiaka chetna do kawnga hotu, Nathan A Sales chuan India lama an \an tlat thu sawiin, na takin Pakistan a dem.

Mumbai beih cham pual hian vawiin khan US-a Indian Embassy-ah hun hman a ni a, heta thusawitu, Sales chuan kha inbeihnaa mawhphurtua ngaih Lashkar-e-Taiba, LeT mi firfiak pawlte chu man an nih hma chuan US sorkar chuan chawlh a tum lo tih a sawi a, LeT hruaitu lian pahnih, Hafiz Saeed leh Zaki-ur Rehman Lakhvi-te lu man pawh US Dollar Maktaduai 5 thleng an ram sorkar-in a tuk tawh tih a sawi bawk a ni. Sales hian India leh US inkar chu a ngheh chhoh zel thu leh a firfiaka chetna-in a tih chhiat ve theih loh thu te a sawi bawk a ni.