Pawngsualtu mi palite hi thla thar ni 1-a khaihlum tur an ni a, an zinga pakhat Pawan Kumar Gupta chuan a school certificate behchhanin pawi an khawih lai hian kum a la tling lo niin a sawi a, hei hi Delhi High Court chuan a lo hnawl tawh a, Supreme Court ah hian hemi chungchang bawk hi thlen nawn leh mahse Court hian a hnawl nawn leh a ni.
Supreme Court hian court hniam zawka lo hnawl tawh, phawrh nawn leh chu thil awmze nei lo a ni a ti.
Mi pali te hi thla thar February ni 1 zing dar 6-ah khaihlum tur an ni a, hemi hmalam hian tunkar Nilaini-a khaihlum tura ruahmanna siam a lo ni tawh a, zahngaihna dil theihna hun an la neih avangin khaihlum hun tur hi sawn hlat a ni leh ta a ni.
Nirbhaya rawng taka pawngsual rawn-a that zuitute hi mi 6 an ni a, an zinga pakhat chu kum tling lo anih avangin nun siam\hatna hmunah kum 3 dah a nih hnuin chhuah a ni a, a meizanghhlaptu ber chu Jail chhungah a lo inawkhlum tawh bawk a, midang palite chu khaihlum hmabak hian Tihar Jail-ah an tang mek a ni.
