Sorkar hnathawk hlawh leh pension senso, zirna, infiamna leh kawngpui enkawlna ang chi te, mipuite hnena tui pekna senso leh sorkar inrelbawlna chi hrang hranga sum hman tur te hi Revenue Expenditure tia sawi a ni a, hemi atana hman tur hi cheng vbc 9021.85 dah a ni a, hei hi budget pumpui a\anga zaa 84.20 a tling a ni.
Hetihlai hian hmasawnna hna thar rehna tur Capital Expenditure atana sum ruahman hi cheng vbc 1693.15 a ni a, hei hi budget pumpui a\anga zaa 15.80 a ni thung.
Kum hmasa, 2019-2020 ah khan Capital Expenditure atana sum ruahman hi budget pumpui a\anga zaa 21.40 a ni a, kumin budget ah hian zaa 15.80 ah a tla thla a ni.
Revenue Expenditure sang zel leh Capital Expenditure tla hniam zel siamrem tura hmalak tum dan zawhna chhangin Finance changtu Chief Minister Pu Zoramthanga chuan Mizoram Budget innghana pui ber chu Delhi in sum min pek tam leh tam lohah a innghat ber rih a ni a ti a, a siam \ha turin Mizoram sorkarin sum a thawh chhuah tih pun a \ul a, hemi ti thei tur hian Mizoram sorkar chuan SEDP hmangin hma a la mek a ni a ti.
