Kohhran tawmzawk chuan kumthar lawmna hi Thawhleh zan a\ang khan an hmang hlawm a, hetah hian kum 2019 chhunga Kohhran dinhmun leh chanchin tlangpui tarlan a nih bakah, kumhlui chhunga an Kohhran member thita te sunna hun an hman hlawm a ni. Presbyterian Kohhran tam zawk chuan kum thar lawmna ruai chu kum thar ni-ah \heh lovin, kum thar hi Pathianni angin an serh hlawm a, Kohhran tam tak chuan chawhma inkhawm banah Thingpui ruai an \heh a, a tukah kum thar lawmna ruai an \heh \hin a ni. Kohhran eng emaw zat chuan nimin khan inkhawm hranpa siam lovin nilengin an zaikhawm a, chhunah naupangte pualin intihhlimna hun an buatsaih a, tlaiah kumthar lawmna ruai an \heh hlawm a ni.
Mizoram Baptist Kohhran chuan Kumthar Programme hi Thawh\an zan a\ang khan an hmang \an a, Kohhran tinte chuan zanlai inkhawmah kalta te sunna an nei a, |halaite pualin Variety Programme an buatsaih bawk. Kohhran tam zawk chuan ninmin khan Kum thar lawmna ruai an \heh a, vawiina nawn kohhran \henkhat an awm bawk.
Catholic Kohhran chuan Thawhlehni zan leh kumthar tuk chawhma inkhawmah Mass Thianghlim an nei a, kohhran \henkhat chuan kumthar ni khan a lawmna ruai \heh nghalin, nimina \heh eng emaw zat an awm a. Vawiina nawn kohhran \henkhat an awm bawk.
Salvation Army chuan December ni 31 zanlai inkhawmah khan kum 2020 thupui tarchhuakin an hawng nghal a, kum thar a\ana Section hrang hrang hruaitute puanchhuah a nih bakah Pathian hnena hlanna an nei nghal a ni. Kohhran tam zawk chuan nimin khan kum thar lawmna ruai an \heh hlawm a ni.
UPC North East India pawhin kumhlui thlahna leh kumthar lawmna Programme hlimawm tak an hmang a, December ni 31 zan zanlai inkhawmah an Kohhran member kalta te an sun a, \halaite pualin Kohhran tinin Programme an siam bawk. UPC Mizoram pawhin kum thar zan inkhawmah an kohhran member thite an sun a, kohhran dan ang bawkin nimin khan Kumthar lawmna ruai an \heh a, vawiina nawn an awm nual bawk.
