Vawiina Revised National Tuberculosis Control Program hmalakna Aizawla tlirletna-ah tarlan anih danin thla 3 chhungin TB vei nia rinhlelh 4115 endik zingah 757 ten TB hrik an pai tih finfiah a ni a, heng zinga 45 chu naupang an ni. TB vei zingah zaa 92 tih dam an ni a, TB benvawn vei 21 hmuh chhuah an ni a, TB leh HIV hrik kai kawp 123 hmuh chhuah an ni a, hei hi TB vei zawng zawng atanga zaa 18 a tling a ni. Nikum chhung khan TB vei 2499 hmuh chhuah an lo ni tawh bawk.
TB vei hmuh chhuah zinga 6 chu Department a thawktuten fehchhuah runpui an neih a\anga hmuh chhuah an ni a, Active Case finding te hian mipui awmkhawmna hmun Jail, Home leh TB case tamna hmun te tlawhin an endik \hin a, nikum chhung khan mi 4000 endik zingah mi 28 chu TB vei an ni tih hmuh chhuah a ni. TB vei te tana ham\hatna Prime Minister Flagship Programme Nikshayu Poshan Yojana hnuaiah TB vanga damlote tana hathatna pek theih an ni a, he scheme hnuaiah hian TB hrik pai te chu an inenkawl chhung zawng thlatin an bank Account ah cheng 500 zel dah sak \hin an ni.
