State Vector Borne Disease Control Programme hotuten Lunglei leh Lawngtlai District ten sikserh natna do kawnga hma an lak dan tun hnai khan an enfiah a, tun dinhmunah Lawngtlai District chu Malaraia vei tamna ber a ni a, kumin January atanga April thla thlenga Mizorama he natna vei hmuh chhuah zaa 65 chu Lawngtlai District chhung a mi an ni. Sikserh veite zingah hian ram riak thin te, construction workers te leh Company hnathawktu te an tam ber a ni.
State Vector Borne Disease Control Programme hotute te hian District pahnih-a sikserh do kawnga an thawhpui Centre for Peace & Developtment te nen an hmalak dan an thlir hova, tan lak ngaihna te leh an harsatna sutkian dan turte an sawi ho bakah sikserh vei tamna hmun te an tlawh a ni. State Vector Borne Disease Control Programme hotute hi Health Department a Joint Director Dr. Lalremmawii’n a ho a ni.
