Hawnna inkhawma thusawiin kutpa, Pu T. Zakunga chuan Hlukhla kut hian Lai fate inpumkhatna leh inunauna a thlen ngei a beisei thu a sawi a, ram leh hnam tana hmasawnna, lungrualna leh inhmangaihna thlen se a duh thu a sawi bawk.
Central YLA leh LADC-a Art & Culture Department \angkawpin an buatsaih, Hlukhla kut, hnam lam chi hrang hrang entirna ni nghalah hian Lawngtlai khawpui leh Lawngtlai District chhung hmun hrang hranga YLA Branch hrang hrang ten Hnam lam chi hrang hrang entir chho mek a, chung zingah chuan Central Young Chakma Association, Bru Cultural Troupe leh Pang Zirlai Pawl te pawh an tel a, an hnam lam \heuh an entir a ni. Hengte bakah hian Bangladesh leh Myanmar-a Hakha a\ang pawhin anmahni hnam lam an entir bawk a ni. Zaithiam zai zingah chuan Aizawl a\anga kal Marina V.Varte leh Ticos Darhmingthanga te pawh an tel a ni.
He Kut hi LADC-a EM Art & Culture changtu Pu L. Lawmkima’n a thleng a, naktuk, Ninganiah chuan hnam lama inelna neih a nih dawn bakah Hlukhla Kut Miss thlan a ni ang.
