Lawngtlaia Zonet Reporter Lalchharliana sawi danin tun dinhmuna harsatna tawk khua te chu Sabualtlang, Laitlang leh a chhehvela khaw dangte an ni a, heng khuaa Sipai awm te hian a khaw mite chu rama an chhuah an phal loh avangin chawhmeh zawng tur leh an nitin khawsakna mamawh dang zawng turin an kal chhuak thei lova, Sipaite hian eitur leh an mamawh dang an pek bawk si loh avangin harsatna an tawk \an a, anmahni ngaihtuah turin sorkara thuneitute an ngen a ni. Heng khuaa Sipai duty te hian civil mi an khua a\anga chhuak tur leh lut tur te chu identity card emaw, Aadhaar Card emaw chik takin an enfiah sak \hin a, an tih tur pawh an zawt bawk \hin a ni. Heng khuaa civil mi awm te hi rethei te te nitina eichawp zawng an nih avangin chhuak thei lova ni hnih khat chhuak thei lova siam an nih pawhin khawsakna mamawh lak kawngah an harsat phah niin an sawi a ni.
