Vawiina Aizawl Press Club-a thuthar thehdarhtute a kawmnaah Pu H Rammawi chuan, Lawngtlai District a upa ten intunnunna atana an hman ve ber pension chu an lak theih loh avangin harsatna an tawk nasa hle niin a sawi a, pension la tur \henkhat, la hman lova thi te pawh an awm nia sawiin a la dam te pawh an mangang tawh hle niin a sawi. Pu H Rammawi chuan, Department lamin pension an lak theih loh chhan chu Bank Account an neih loh vang tia an sawi chu thudik lo nia sawiin tar pension la tuten Account an neih vek thu amah ngeiin a finfiah niin a sawi a, heti chung hian Internet signal leh kawlphetha \ha tawk lo te chhuanlamah an la hmang zel niin a sawi. Pu H Rammawi chuan, tar pension pawisa chu kumin March thla thleng pek chhuah a ni tawh tih Social Welfare minister thusawi ZONET in a puang tih a sawi a, pawisa pek chhuah vek a ni tawh chunga tun thlenga Lawngtlai Dist a tar pension la tuten an la dawng lo chu thil dik lo inpum a awm ni ngeia a rin thu sawiin sorkar chu a rang thei ang bera hma la turin a phut tih a sawi a, sorkar hmalakna a muan chuan Law Court a kal turin an inbuatsaih niin a sawi bawk.
