Lei tlakhniamna lai hi nizan khan khawtlang hruaitute leh Lawngtlai East Bialtu MLA Pu H. Biakzaua ten en nghalin, vanduaina a thlen palh hlauhthawn vangin lirthei kal vel dan nghal \ha an ti a, tukin khan Pu H. Biakzauva ho vekin, sorkar department hrang hrang hotute leh khawtlang hruaituten an en leh a, hmalak dan tur an sawiho a ni. Kawngpui hi lirthei tan zawh ngam a nih loh vang leh harsatna lian zawk thleng mai thei a nih vangin kawngchhak lama mimal ram chu la hekin, motor kal theih turin siam phawt ni se an ti a ni.
Helai lei tlahniam vang hian fur ruahtui tlak laiin harsatna a thleng deuh ziah a, lei tlahniam hian a bul vela chenna in, Electric Venga in 18 leh Lawngtlai-III huamchhunga in 10 te a nghawng tawh a ni.
