Tukin tukthuan eikham khan MZU-a Asst. Professor Dr Laldinpuia leh a hote chuan Lianchhiari Lunglen Tlang lung tolawt hi enfiahin an zir chiang a, INTACH lam atangin Pu H Lalnunmawia’n a tawiawm bawk a ni. A lung tolawt chu lung inthuahthip, tuizai awmasaah sik leh sa avangin hun rei deuh tawh atang khan a khi a, February thlaa thlalak leh tuna an tlawh tuma thlalak khaikhinin a khi hi a zauh belh lo niin an hria a ni. MZU geologist te chuan a lung nihphung leh dinhmun an zir chiang nghal a. A lung inphah dan, a sakhat dan leh chak zawng, a tuizai awm dan zawng zawng an chhinchhiah a ni. Dr Laldinpuia chuan a hmawr lama thut leh uaite, tum khata mihring tam lutuk chuan te pumpelh thaa a hriat thu a sawi a, a khi lai chu cement hmanga tui lut
thei lova zut phui phawt tha a hriat thu a sawi.
Nimin khan INTACH Mizoram Chapter leh Tuipuiral Group YMA te chuan Thasiama Seno Neihna tlangdunga hmun 2-a lei khi chat chu
Chawngtui Branch YMA te nen tuilut lo turin silpaulin hmangin an khuh
bawk a ni.
