Prime Minister Narendra Modi hian Uttar Pradesh chu a thlur bing deuh ber a, Uttar Pradesh hi BJP kaihhruai NDA chuan seat 80 awmah seat 73 a hauhna state a ni a, he state ah hian campaign beihpui vawi 36 a thlak a ni. Prime Minister hian West Bengal-ah pawh campaign a bei ngawrh hle a, he state hi Mamata Banerjee-i party Trinamool Congress bupui a ni a, BJP chuan he state ah hian seat hnih chauh a hauh mek avangin PM hian campaign a bei ngawrh hle a, \um 17 campaign-in hun a hmang a ni. BJP in MP tam zawk neih ngei a tumna Odisha-ah pawh PM hian campaign beihpui \um 8 a thlak a, he state ah hian BJP chuan seat 21 awmah seat khat chauh a chang mek a, Odisha ah hian Naveen Patnaik-a party, Biju Janata Dal chuan seat 20 a chang mek a ni. PM Campaign zawng zawng zaa 40 zet chu UP, Bengal leh Odisha-ah te a ni a, campaign beihpui a thlak 144 zinga 58 chu heng state pathum te hian an chang a ni. BJP hian West Bengal leh Odisha-ah te hian MP tam zawk neih ngei tumin an thlur bing hle tih a lang thei a ni.
Hetihlai hian Congress President Rahul Gandhi chuan campaign beihpui 125 a thlak zingah Uttar Pradesh, Rajasthan, Madhya Pradesh leh Kerala te chu beihpui a thlakna langsar zual a ni a, Seat 80 awmna UP ah hian \um 18 a campaign a, a bikin UP khaw chhak lamah te chuan kumin kum tira politics-a zuang lut thar, a unaunu Priyanka Gandhi-i chu a campaign ngawrh hle. Kum 2014 inthlanpuiah khan Congress chuan UP ah hian seat 2 chiah a la a, khami \um khan Rahul Gandhi-a’n Amethi bialah hnehna changin, a nu Sonia Gandhi chu Raebareli bial a\anga thlantlin a ni bawk a, heng bial pahnihte hi congress chakna bial ni sa ve ve a ni.
Nikum Assembly inthlana Congress in BJP a hnehna, Rajasthan pawh Rahul Gandhi hian a thlur bing hle a, seat 25 awmna he state ah hian campaign \um 12 a nei a, Rajasthan ah hian seat 25 awmah congress chuan seat khat chauh a chang mek a, a bak zawng chu BJP in a chang mek a ni.
Amethi bakah Kerala-a Wayanad bialah a din tel avangin Rahul Gandhi hian Kerala-ah pawh campaign a bei ngawrh hle a, seat 20 awmna he state ah hian campaign beihpui \um 12 a thlak a, Congress hian Kerala ah hian seat 7 tal lak a tum a ni.
Rahul Gandhi hi Uttar Pradesh, Rajasthan, Kerala leh Madhya Pradesh ah te vawi 52 a campaign a, Madhya Pradesh bikah hian \um 10 a campaign a ni.
