Inthlan thawh 7-a neihah candidate 8,049-in Parliamentary seat 542 an inchuh a, vote zaa 70 bawr a tla a, vote hi Ningani khian chhiar a ni dawn a ni.
New Delhi-a Deputy Election Commissioner Umesh Sinha chuan hmeichhia leh kum upa zawk te tiamin ram mipuiten vote an thlak \ha thawkhat tih a sawi a, hmun \henkhatah buaina chhuak mahse, kum 2014-a inthlan aiin a ralmuang zawk a ni a ti.
Sorkar siam turin parliament-ah seat 272 a neih a ngai a, exit poll pali in BJP kaihhruai National Democratic Alliance chuan seat 280 a\anga 315 an hmuh an ring a, news channel \henkhat chuan BJP hian seat 267 vel an hmuh an rin thu an sawi thung a, a chawhrualin NDA chuan seat 302 an hauh rin a ni a, Congress leh pawl dang te chuan seat 122 an hauh rin a ni.
West Bengal Chief Minister Mamata Banerjee-i party chuan seat 42 a\ang seat 26 a lak rin a ni a, BJP chuan seat 14 a lak rin a ni bawk a,
Congress party chu December-a hnehna a channa state, Madhya Pradesh, Rajasthan leh Chhattisarh-ah a chak zo dawn loa rin a ni.
West Bengal Chief Minister Mamata Banerjee-i chuan Exit poll hmuh dan hi a rin loh thu a sawi a, eptu pawlte chu lungrual taka ding turin a ngen a ni. Rahul Gandhi chuan he inthlan-a election commission hma lak dan tarlangin Modi thuhnuaia kunah a puh a ni.
