Vawiina Congress Bhavan-a inkhawmah thusawiin, Pu Lalnghinglova Hmar chuan, inthlan inpuahchana an neih chhunga amah thlawptuten nachang a hriat lohna a kaihruai a, hmun hrang hranga an campaign-naa biak pawh tur an hrilh leh \ha taka an dawngsawng zelte, a mamawh a piang an ngaihtuah sak leh a ban phak loh an ban sak zelte chu a lawm hle a ni, a ti a. Theihtawp an chhuah chungin an chak zo ta lo chu pawi an tih thu sawiin, hetihrual hian rulling Party an ni lo chunga khati zat vote a hmu thei chu a lawm hle a ni, a ti. Pu Lalnghinglova Hmar chuan, India ramah sorkar thar a piang dawn ta a, Sorkar thar hmalakna chu ngun taka an lo thlir a, ram, hnam leh sakhaw tan pawi tur a awm em tih an lo thlir a ngai dawn a ni, a ti a.
Hun rei lote Politics a luhchilh chhungin pawn lam a\anga an lo thlir ang ngawt leh an lo sawisel ang ngawt a lo nih loh zia a hmu chiang hle a, dawh theih a ngaih ziate, campaign hautak zia leh tawrhchhel a ngaih zia a hmuhin hruaitu hmasate an fakawm a tih thu a sawi. Inthlan ibuatsaihna an neih chhung leh an campaign chhunga kha chu lo ti lo zawk ila tih emaw, kha chu lo sawi lo zawk ta ila tih emaw, inchhirna tur thil engmah an nei lo nia a hriat thu leh a lawm thu Pu Lalnghinglova Hmar chuan a sawi.
He inkhawm hi MPCC General Secretary, Pu PB. Lalsawmliana’n a kaihruai a, MPCC Treasurer Pu H. Liansailova, chuan, politics kalkawngah chuan hlawhtlinna leh hlawhchhamna chu thil awm ve reng a ni tih sawiin, kum 10 an lo sorkar tawh a, malsawmna tam tak an dawng a, tunah hian fiahna kawng an paltlang mek a ni tih hre turin an Party mite a fuih a ni.
