Maharashtra-a loneitu lungawilo kawngzawh-te chuan vawiin khan Mumbai khawpui an thleng a, Azad Maidan hmun-a an innghahkhawm leh hnuah, State Assembly tualah mi \hahnem tak an pungkhawm. Puan tawh angin Maharashtra-a loneitute chuan lo siamna leiba an neihte ngaihdamna tur ruahmanna, Swaminathan Commission a rang thei ang bera hman bakah an thlai hralh man tihsan an phut a, state chhung hmun hrang hranga loneitute chuan Mumbai khawpui panin tun thla ni 6 a\ang han kawng an zawh \an a ni. Maharashtra Rajya Kisan Sabha hruaitute chuan Azad Maidan-a thleng hmasa-te hi mi 75,000 vel an niin an sawi a, pungkhawm zawng zawng zat chhiar mai theih a nih loh thu leh mi nuai khat an tlin an rin thu an sawi bawk a ni. Kawngzawhtute hi zirlai leh khawpui-a cheng mi \hahnem takin tui leh ei tur nen an lo hmuak a, hmun \henkhatah phei chuan pangpar-in an lo theh bawk a, Thane Civil Hospital-a Medical Officer chuan kawngzawh zingah ke lawnga kal an tam avangin, ke na leh durh an tam hle bakah, khawlum vanga damlo an awm nual tih a sawi a, a theih ang anga a hmuna an enkawl thu a sawi bawk a ni. Police-te chuan kawngzawh zawng zawng hi State Assembly tuala kal an remtih loh tur thu an sawi tawh a, loneitu pawl hruaitute chuan police-ten an lo danna hmun hmunah chaw ngheia an lungawilohna lantir chhunzawm nghal an tum thu an sawi ve bawk a, thi an awm a nih pawhin, State CM Devendra Fadnavis-a mawh a nih tur thu te an sawi bawk a ni. He thil chungchangah hian eptu pawl-te chuan state sorkar an sawisel nasa hle a, loneitute leiba ngaihdamna tur ruahmanna tihpuitlin a la ni lo leh kawng an zawh chungchanga sorkar-in a lo dawnsawn dan-te na takin an dem bawk a ni.
Chanchin Thar Loneitu lungawilo kawngzawhte’n Mumbai khawpui thleng
