Ludhiana-a RSS hruaitu pakhat tu tih hriat lohin kap hlum

Ludhiana-a RSS hruaitu pakhat, Ravinder Gosain chu tukin khan tu tih hriat lohin a chenna kawtah an kap hlum. Ravinder-a fapa chuan a pa hi bathlar-a a \hut laiin mi pahnih, bike-a chuangin a hminga an rawn ko a, a va pan hnai chu an lo kap ta mai niin a sawi a, a hmunah hian a thi nghal tih a sawi bawk. Ravinder Gosain hi hun rei tak, RSS Mohan Shakha Headmaster a lo nih tawh bakah tualchhung BJP unit hruaitu ni lai a ni a, Police-te chuan a lu leh a darah kah a ni tih an sawi a, thubuai an ziah luh nghal thu leh, pawi khawihtute hi zawng chhuak tura chhui zui a nih thu an sawi.