Lunglei district-ah inkhung hran hun chhung zo tawh mi 21 in vawiin khan an awmna centre an chhuahsan a, tuna centre hrang hranga la awm zat chu mi 55 an ni ta a, home quarantine mi 12 la awmte nen inkhung hrang mek mi 67 an la awm.

Nimin lamah covid 19 kai mi 46 enkawl dam tawhte chu an awmna centre atanga chhuah tir an ni a, tunah hian positive pakhat chiah Lunglei dustrict-ah a awm tawh a ni. Lunglei civil hospital-a Truenat khawl hmangin sample te endik chhoh zel a ni a, endik tur tling khawm chu vawiinah zo hman tura ngaih a ni.