MZU Southern Campus din a nih theih nana ongress kaihhruai Sorkar hmalakna chak taka a bawhzui avangin H & TE Minister, Dr. R. Lalthangliana chu fakawm an tih thu an sawi. LDCC chuan, Congress sorkar lai khan NGO Coordination Committee for MZU Southern Campus Lunglei leh Chhimbial Chhantu-in theihtawp an lo chhuah tawh \hin nia sawiin, Mizoram sorkar leh Mizoram University hotuten Human Resource Development Ministry leh UGC-ah MZU Southern Campus din turin rawtna vawi duai lo an lo thlen tawh a. A hmun tur pawh Congress sorkar lai khan Pukpui khawtlangin a thlawna ram pein, tihfel thawkhat a lo ni tawh nia sawiin, Campus mumal tak neih a nih hma chu Pukpuia Mizoram Engineering College building sak fel tawha kalpui mai remtih a lo ni vek tawh a ni, an ti a. Hemi a hlawhtlin theih nana hmalatu zawng zawng hnenah lawmthu an sawi bawk.
