Lunglei khawpuia bawlhhlawh sawngbawlna, Solid Waste Management Centre din nan Mizoram sorkar-in DoNER Ministry a\angin cheng vaibelchhe 6 a dawng. He Project hi Non-Lapsable Central Pool of Resources (NLCPR) sum hmanga thawh tur a ni a, Solid Waste Management Centre changtlung tak din a ni ang. Hemi hnuaiah hian bawlhhlawh \awih thei, lei \ha-a siam te, bawlhhlawh \awih thei lo hman \angkai theih tura sawngbawlna leh bawlhhlawh hman tlak tawh loh phum bo-na hmunte siam a ni dawn a ni. UD&PA Minister, Pu Zodintluanga chuan, he Project pawmpuina chu tun hnai khan DoNER Ministry a\anga dawn a nih thu Zonet a hrilh a, hna \an a nih thuai theih nan DoNER Ministry-in inkaihhruaina dan a siam zul zuiin, Tender chhuah thuai a nih tur thu leh he Project hi Ministry-in a pawm beisei a nih avangin Lungleia Solid Waste Management Centre dinna tur kawng pawh NEDP sum hmanga laih zawh vek tawh a nih thu a sawi. Pu Zodintluanga chuan, hetiang Project hi Kolasib leh Aizawlah bawhzui mek a nih thu a sawi a. Tuiriala bawlhhlawh halna hmun chu mipui tan a hrisel loh avangin, a thlakna tur siam mek a nih thu leh rei loteah hman theiha peih fel beisei a nih thu a sawi bawk.
