Lunglei Superintendent of Police chuan Aizawl-Thenzawl-Lunglei World Bank kawnga Pukpui leh Tlawng inkar kawng siam hna thawh mek tluang taka a kal theih nan he kawnga lirthei kal dan vawiin a\ang khan a siam danglam. Tlawng leh Pukpui inkar kawngah hian hunbi neia motor te chi tlan hun a siam a, Pukpui a\anga Haulawng lam pan tur tan he kawng hi zing dar 10 a\anga chhun dar 12 thleng leh chawhnu dar 2 a\anga tlai dar 4 thleng hawn a ni ang a, Haulawng lam a\anga Lunglei pan tur tan zing dar 8 a\anga dar 10 thleng leh chhun dar 12 a\anga chawhnu dar 2 thleng hawn a ni ang a, tlai dar 4 a\anga a tuk zing dar 8 thleng a tawn tawna motor kal theiha hawn a ni bawk ang. He kawngah hian lirthei ke hnih neic hi chu a tawn tawnin an tlan phalsak reng a ni ang a, motor laihawl MMV leh motor lian HMV te erawh chu he kawngah hian an tlan phal a ni lo.
