He inkhawm Lunglei ZPM Vice President, Pu H. Sangkunga kaihruaiah hian President, Pu Malsawmtluanga chuan ZPM chuan an dinchan angin Hnam leh Kristian sakhaw tun ding turin hna an thawk dawn tih a sawi a, Party bil awm lovin mipui tan hna an thawk dawn a ni, a ti. Political party dang chuan an party insawhnghehna tur leh an dinchanna tur ringawt an ngaihtuah avanga mipui rilru a nat tawh a, hmun tam takah kuthnathawktute chu an thlai thar hralhna tur ngaihtuah sak an nih loh avangin an beidawng mek niin a sawi.
Treasurer, Pi Lalrinpuii pawhin, an Party chuan a thlawna pawisa sem an tiam ve lova, kut hnathawktute thawhchhuah awmze nei taka an hralh theihna tur leh Zoram economic chu kut hnathaw tute thawhchhuah a innghat a ni tih a hriat avangin hemi lamah hian nasa lehzual \anlak an tum tih a sawi.
