Mara Autonomous District Council-a eptu pawl hruaitu Pu HC Lalmalsawma Zasai chuan vawiin khan Palak biala sorkar hmalakna hrang hrang a enfiah a. Theiri khuaa nikum June thlaa leimin vanga chhungkaw 10 chenna in thiah sakte tlawhin, leimin tuartu chhungkuate chuan an in thiah a nih chungchangah hian vawiin thlenga Sorkar atangin tanpuina leh chhawmdawlna an la dawng lo tih sawiin, Pu HC Lalmalsawma Zasai chu hmalakpui turin an lo ngen a ni. Heng chhungkaw 10-te hi khawtlang tangrualin bawkte an khawh sakah an khawsa mek a, an khaw tana tui lakna tura MLA fund cheng nuai 5 leh Hall sakna tur cheng nuai 10 an dawn pawh a nihna anga hman a ni lova an hriat thu an lo hrilh bawk. Pu HC. Lalmalsawma Zasai hian Theiri bakah Tipa B, Tipa V leh khaw dang engemawzat a tlawh a ni.
