Madhya Pradesh Sorkar in nimin khan Hindu puithiam 5 te Minister of State status a pe

Madhya Pradesh Sorkar in nimin khan Hindu puithiam 5 te Minister of State status a pe a, an zinga pahnih hian Narmada lui humhalhna kawnga eirukna thleng nia an sawi auchhuahpui an tum chu an \hulh nghal bawk. Kumin kum tawp lama Assembly inthlanpui hmachhawn tur, Madhya Pradesh a BJP sorkarin Minister of State te dinhmun leh ham\hatna a pek Hindu puithiam 5 te hi Narmadanand Maharaj, Hariharanand Maharaj, Computer Baba, Bhayyu Maharaj leh Pandit Yogendra Mahant te an ni a, heng puithiam pathumte hi Narmada lui humhalh kawnga hmalatu tur Committee member atan March ni 31 khan ruat an lo ni tawh a ni. Nimina General Administration Dept thuchhuah chuan Committee member atana ruat an nih vanga hian Minister of State Status pek an ni tih a tarlang a ni. Coumputer Baba hian Yogendra Mahant nen April ni 1 a\anga May ni 15 chhungin Madhya Pradesh District zawng zawng fangchhuaka Narmada lui kama thing phun beihpui thlakna-a eirukna lian tham tak thleng nia a sawi chu auchhuahpui a tum thu leh lui kama balu lak \hin ti tawp tura beipui thlak a tum thu a lo puang tawh a. Hetihlai hian Minister of state ni ta Computer Baba hian vawiina zawhna a chhanna ah Sorkarin Narmada lui venhimna tura an thil phutte a tih hlawhtlin tak avangin a thil tum hi a \hulh leh ta tih a sawi thung.