Mahant Mohan Das chu ni thum chhung a awmna chin hriat a ni tawh lo

Ram chhung hmun hrang hranga Hindu puithiam lem 14 hming tlang zarhtu, Mahant Mohan Das chu ni thum chhung a awmna chin hriat a ni tawh lo. Mahant Mohan Das-a hi Akhil Bharatiya Akhara Parishad, Hindu sakhaw pawl hrang hrang 13 aiawha ding pawl thupuangtu a ni a, he pawl hotute chuan Mohan Das hi puithiam lem nia an sawi zinga mite hian an ru bo nia an hriat thu sawiin, tun hnaiah heng mite hnen a\ang hian vauna a dawng fo niin an sawi a, nimin khan Mohan Das-a zawng hmu tur hian police-te chu darkar 24 an nghah tur thu leh, hun tiam chhunga an hmuh loh chuan buaina namen lo chawh chhuah an tum thu an sawi a ni. Police-te chuan Mohan Das hi Kalyan-a rela a chuan laia bo niin an sawi a, Pathianni tlai khan a mobile phone an chhar tih sawiin, amah hi ruk bo a ni tih finfiahna an la neih loh thu an sawi.