Mumbai atanga rawn chhuak Shramik train hi nimin tlaia Bairabi rel chawlhhmun rawn thleng tur a beisei a nih laiin, Badarpur leh Lumding inkarah leiminin rel kawng a tihchhiat avangin Guwahati ah an chhuk a. Mizoram sawrkar leh Assam sawrkar indawr nghalin Assam sawrkar bus 68 hmangin nizan khan Guwahati an rawn chhuahsan a ni.
Tangkhang rawn haw te phur tur hian Mizoram sawrkar chuan bus 89 a ruahman a, an lo haw chhohna bus hmang hian Jharkhand a haw tur rel kawng chhiat vanga Bairabi-a tang zui ta mi 1365 an haw thla ve nghal dawn a ni.
Bairabi rel chawlhhmun ah hian Kolasib bawrhsap Dr H Lalthlangliana hovin District thuneituten lo thleng tharte hi an lo dawngsawng a, Bairabi rel chawlhhmun-ah hian eitur pek an ni a, Meidumah zanriah pek leh an ni ang.
Maharashtra atanga tangkhang rawn haw tur in report hi mi 1597 an ni a, bus hnuhnung berin Bairabi a thlen hun tur hi hriat theih a ni rih lo a ni.
