National Health Mission hnuaia Mamit District-a hnathawktu turte zing ami, Accredited Social Health Activist (ASHA) training chu vawiin khan Mamita Kumtluang Hall-ah Mission Director, Dr. Lalrozama’n a hawng. He training hian June ni 7 thleng a awh ang. Thusawiin Dr. Lalrozama chuan National Health Mission hnuaia khaw hrang hranga hnathawktu tur ASHA neih a nih hnuah nu nau chunga thi leh nausen thi an tlem ta tih a tarlang a, thingtlang kilkhawr taka awm nu naupaite pawhin nau nei tura damdawi in panna chang an hriatna chhan chu ASHA te thurawn pek vang niin a sawi a, ASHA ten an hnathawh dan a zira lawmman tangkafai an lak \hin pawh harsatna awm lova an dawn zui zel theih dan tur ruahman niin a sawi a ni. He inkhawmah hian State Nodal Officer, Dr. R. Lalchhuanawma ASHA te pawimawhna leh an hnathawh dan a sawifiah a ni.
