Kuthnathawktute Ni hmannaah hian kuthnathawktu hlawhtling mi 12 leh zirlai ti \ha mi 10 hnenah Agriculture Minister, Pu C. Lalrinsanga’n chawimawina a hlan a, chawimawite hi nikum chhunga an thlai thar hralhna a\anga cheng nuai 4 leh nuai 15 inkar lei chhuakte an ni. Hriphaw khuaah hian in 180 vel a awm a, Kuhva an ching nasa a, sum tam tak an hailut a ni.
Hriphaw Community Hall-a Kuthnathawktute Ni hmanna hi Hriphaw Branch YMA President, Pu MS Dawngliana’n a kaihruai a, a hmanpuitu Agriculture Minister, Pu Sangtea chuan, Mizorama thlai thar chhuahte hnam dangin a hralhna leh a man an thunun \hin chu Sorkar-in sawi danglam \ul a ti a. Market leh rate control tu chu a thar chhuaktu kuthnathawktute ngei an ni tur a ni tih sorkar ngaihdan a ni a, a tihlawhtling turin loneitute chu intelkhawm a, \angrual turin a chah a, harsatna an tawk a nih pawhin an mahni chhantu tur Sorkar an nei tih hre turin a chah a ni.
Pu Sangtea hian, Hachhek tlang dunga thlai tam tak thar theihna hmunhma awm chu sorkar-in a hria a, leilet buh chinnaah khawl hmanga hna thawk turin lian zawka hmalak a nih theih nan leilet siamrual tura hmalak mek a ni, a ti a. Mizoram mipuite chu tlemte an nih avangin ei khawp thar chhuah phawt tum ve tawh tur a ni a ti.
Hriphaw khuain Kuthnathawktute Ni an hmanna hi Hachhek Bialtu MLA, Pu Lalrundika Ralte leh Agriculture Department hotute pawhin an hmanpui a ni.
