Manipur-a hel pawl, People’s Revolutionary Party of Kangleipak member pathum chu nimin khan Tengnoupal district-a Moreh khuaah man an ni a, district SP, Sarangthem Ibomcha-a’n Moreh-ah hian hel ho hi an kal dawn tih thu an dawn chu bawhzuiin, police leh Assam Rifles sipaite’n hel pathumte hi Sun Rise club tualah an man niin a sawi. PREPAK hian Manipur sat thlaa Kangleipak state hran siam an phut a, Pu Ibomcha-a sawi danin, Myanmar rama an inkhuarna camp atanga lo kalin, pawi an khawih thin a ni. Myanmar-a Rakhine state-a buaina thleng avanga Moreh kal tlanga India rama lo luh tum an awm leh awm loh endik turin India leh Myanmar inrina chu police leh sipaiten uluk takin an vil reng nia hriat a ni a, Pu Ibomcha-a chuan Moreh-ah hian Rohingya Muslim hmuh tur an awm lo niin a sawi.
Chanchin Thar Manipur-ah PREPAK hel pawl member 3 man
