Mara Autonomous District Council hnuaia Village Council 92 tana inthlanna chu April ni 17-ah neih a ni dawn. Inthlan programme hi Mizoram State Election Commission chuan vawiin khan hriattirna a ti chhuak a, Returning Officer ten inthlanna neihna tur khua \heuhah hriattirna hi naktukah an chhuah dawn a ni. Chuh tum te tana hming pek luh theihna ni hnuhnung ber chu tun thla ni 24 a ni a, inhnukdawk leh duh te tan tun thla ni 27, tlai dar 3 thleng inhnuhdawh theih a ni ang a, hemi ni vek hian candidate te chhinchhiahna pek chhuah a ni bawk ang. Vote tla te chu April ni 17-a vote thlak zawh veleh Returning Officer kaihhruaia chhiara, result pawh puan nghal a ni ang a, thlantlin ten VC Executive Body an siam ni atan April ni 21 ruat a ni a, inthlanna pumpui chu April ni 24-ah zawh tur a ni ang. He inthlanna neih tur atan hian vawiin a\ang khan Model Code of Conduct hman nghal a ni. Mara Autonomous District Council hnuaia VC 92 atana inthlanna neih turah hian member 512 thlan tur a ni a, heng zinga 92 te chu hmeichhia te tana seat hauhsak chuhtu tur an ni a, vote nei zawng zawng hi 37,707 an ni.
