State Election Commission chuan MDC bye election neih hun tur hi vawiin khan a puang a, Siaha District Election Officer Pu Bhupesh Chaudhary chuan vawiin vek khan a pisa ah chanchinbumite kawmin Tokalo bialah hian Model Code of Conduct hman nghal a nih thu a sawi. Bye election-a chuh tumte tan tun thla ni 21 thleng hming pek luh theih a ni dawn a, chung te chu ni 21 ah endik a ni ang a, inhnukdawk leh duhte tan ni 22 chawhnu dar 3 thleng hun hawn a ni ang a. Inthlanna chu tun thla ni 30 zing dar 7 leh tlai dar 4 inkarah neih a ni ang a, November ni 1 ah vote chhiar a ni ang.
