Mara Student Organisation ten Aizawla Mara zirlai, hmeichhia leh mipa hostel sak, a zawh hun tura zawh nilova sawi, duhloh entir nan leh chak zawka hna thawh phutna atana Mara Autonomous District Council Office-a thawkte an dan chu tih tawp a ni ta. Tihtawp a nih hma hian MADC CEM Pu N. Zakhai chuan zirlai hruaitute hmu-in an thilphut a hriatthiampui thu leh chak zawka hnathawh tir dan ngaihtuah a nih dawn thu a hrilh a, hemi bakah hian Boys Hostel Zotlanga mi hi a satu-in tun thla chhungin sak zawh a tum thu leh Girls Hostel Chawlhhmun ami hi a satu-in May thla chhunga sak zawh a tum thu a sawi bawk a ni.
