MSO hian Siaha District ah a kum telin HSLC result a chhe tulh tulh niin an sawi a, zirtirtu indaih lohna chu a chhan lian ber nia an hriat avangin sorkar hotute pawh an lo dawr tawh \hin a, vawiin thlenga zirtirtu indaih lohna phuhruk tura hmalakna a la awm loh avangin kawng hi an zawh a ni.
Sorkar laka an beiseina tih hlawhtlin a nih theih nan, kawngzawh hi ‘Beiseina kawngzawh’ tih an vuah a, Bazar Traffic point atanga \anin New Siaha Vety kawn thleng an zawh a ni.
Kawng zawh \anna Bazar Traffic point-ah MSO president Pu C.H. Beikhochhi chuan Siaha district ah zirlai 70 chuang awmna school-a zirtirtu pakhat chauh awmna a awm nual tih a sawi a, School pakhat ah phei chuan an zirtirtu neih chhun pawh craft Teacher chauh a ni a ti a, sorkarin zirlai te harsatna a sutkian thuai an beisei tih a sawi.
New Siaha Vety kawnah general secretary Pu Judson KT Zephatha-a’n thu a sawi a, MTP leh MCHP hruaitute pawhin zirlaite hi an thlawp a ni.
