Thuneitute sawi dan chuan ruang hi ral a\anga thunun theih khawl, remotely-operated vehicle, ROV hmangin khur chhung ft 160-a vela thukah hmuh a ni a, leiin a la chhilh deuh avangin ruang hi lakchhuah ngam a ni rih lo a, chhanchhuah hnathawktute chuan sorkar a\angin hmalak zel dan tur thupek an nghak a ni. National Disaster Response Force, NDRF hnathawktute chuan ruang hi lakchhuah a nih hma loh chuan ROV hi ruang dang zawng turin khurah hian a luh zawm thei rih dawn lo tih an sawi bawk a ni.
Navy lam pawhin ROV dang hmangin khur dangah ruang ho hi an zawng ve mek bawk a, puan tawh angin lungalhthei khur hi sazu kua anga verh a ni a, peng chi hrang hranga a in\hen avangin ruang zawn hna pawh hi he khura lo thawk tawhte tel lo chuan thawh a harsa hle niin an sawi a ni.
Hetihlai hian East Jaintia Hills District-a police hruaitu Sylvester Nongtynger chuan Assam mi Kuti Miya chu he lungalhthei khura tang zingah hian a tel ve a ni tih an hriat belh thu leh hnathawkte enkawltu ber Sardar chu biak pawh theih a nih loh avangin a chhunga tang zat hi hriat a har hle a ni tih a sawi ve bawk a ni.
Puan tawh angin December ni 13 khan lungalthei khur hi tuiin a chîm hnuah a bang a chim zui bawk a, hnathawk mi 16 vel a chhilh a ni. Tui pump khawl lian tak tak nei Coal India, Kirloskar Brothers Limited leh Odisha Fire Services te chuan an theih tawkin tui pump chhuak mahse, lungalhthei khur chhunga tui chim chin hi a hniam hlei thei lo a, state sorkar hnathawkte chuan beisei tur a awm lo hle nia an hriat thu leh Supreme Court thuchhuah vang chauha ruang zawn hna hi thawh chhunzawm nia an hriat thu an sawi a ni.
