India in mifirfiak man tuma a veh ngun berte zinga mi, kum 2008-a Gujarat-a bomb thahnem tak tipuaka mi 56 thihna thlentu Abdul Subhan Qureshi chu man a ni tih Police ten an puang. Software engineer, bomb hlauhawm tak siamtua inlet ta, Abdul Subhan Qureshi hi “India Bin Laden” tia a hming lem vuahsak a ni a, Delhi Ghazipur hmunah man a ni tih Delhi Police te chuan an sawi. An man dawn hian silai pawh hmehpuah a ni tih Police te chuan an sawi a, a kut atang hian pistol leh lehkhapawimawh thenkhat man tel a ni tih Deputy Commissioner of Police, Special Cell, Pramod Kushwaha chuan a sawi. Qureshi hi lehkha lem siam chawpin hun rei tak chhung Nepal ah a biru a. 2013 leh 2015 inkar chhoah khan Saudi Arabia ah pawh a kal a, Firfiaka chetna thlen leh tumin Indiaah a lo let leh tih Police te chuan an sawi. Qureshi hi Bomb siam thiam tak a ni a, dan pawna hnawl, Students’ Islamic Movement of India, SIMI nena inzawmna thuk tak nei a ni bawk.
Chanchin Thar Mi firfiak Abdul Subhan Qureshi man a ni
