Mi pawngsuala thattu, Ameerul Islam thi turin a chungthu rel

Kerala-a Ernakulam Sessions court-in kum 23 mi, Ameerul Islam chu thi turin a chungthu a rel a, nikum April ni 28 khan hmeichhe pakhat, kum 30 mi, Jisha-i chu an inah rawng taka pawngsualin, a that zui a ni. Jisha-i hi chem lam chi, hmanraw hriam hmanga thah nia hriat a ni a, a ruang hi a nu-in a hmu a, a taksa pawh nasa taka sah sawm a ni a, a serh thlengin rawng taka kut thlak a ni. He thil thleng hian Kerala mipuite a tithinur hle a, hmun tam takah kawng an zawh a, khatih laia thuneitu, Congress kaihhruai, UDF sorkar pawh nasa takin an dem a ni. LDF-in thuneihna an chan hnuah a chhui zuitu tur din nghal a ni a, Cabinet \hutkhawm hmasa berah he hna thawk tur hian ADGP, B Sandhya chu ruatin, ani hian mi 1,500 chuang thu a zawt fiah a, mi 5,000 chuang kut ze thla a la bawk a, telephone-a inbiakna, nuai 20 vel an endik tel bawk a, hemi hnuah hian Ameerul Islam hi manin, mitthite in bula tuiluankawra pheikhawk, thisen kai nen pawh a inrem tih finfiah a ni. Ameerul Islam hi thubuai, phek 1,500-a chhah siamsak a ni a, kumin April ni 4 a\ang khan, a chungchang hi ni 85 chhung ngaihtuah a ni.