An Convener, Pu Vanlalhuma Kawlni chuan, an pawl chu Political Party behchhan nei lo a nih thu leh Sorkar \ha a din theih nana vote thlaktu mipui hnena zirtirna pek chu an tum ber a nih thu sawiin, hemi atan hian Wake Up Mizoram Mission din a nih thu a sawi a, hetah hian Doordarshan Director General pension, Pu C. Lalrosanga chu Chairman a ni a, Synod Moderoator kalchhuak, Rev. Lalzuithanga chu Vice Chairman niin, Secretary-ah Pu Rosiamliana ralte leh Asst. Secretary-ah Pu SR. Lalsanglura ruat a ni tih a sawi a. An pawl chu Politics rawngkai lo ni mah se, mipui lam a\anga ngenna an dawn dan a zirin, a \ul a nih chuan Party behchhan awm lovin Pathian leh mipui rinchhana inthlan an chuh ve tur thu a sawi.
Wake Up Mizoram Mission Chairman, Pu C. Lalrosanga chuan, thil tum lian deuh deuh 3 an nei tih sawiin, chungte chu – Pathiam ram chanchin \ha puang chunga Mizorama mipui inrelbawlna \ha zawk thlen tir te, Party ruihchilhna bansan a, mipuiten an chanvo dik tak chauh an chan a, midang chanai chhuhsak lo tura inzirtir leh Politics kalphung dik lo vanga vote thlak chakna nei tawh lote tiphur a, Neutral Movement hmanga inphuar khawm tur leh hmasawnna rualkhai zawk leh inrelbawlna \ha zawk siam tura mipui tihharh a ni tih sawiin, tuna kalphung anga Party leh Party an insawi chhe vak vak a, an inpuh tawn chiam chiam chu ramin a sawtpui loh avangin an ni chuan an ti ve dawn lova, a \ha zawnga mipui rilru kaihruai turin ke an pen dawn tih a sawi.
An pawl Vice Chairman, Rev. Lalzuithanga pawhin tun dinhmuna Mizoram a thlen theih chhan chu chanchin \ha vang chauh a ni tih sawiin, tuna Mizoramin chanchin \ha a hawisan mek nia lang chu sim a, an hawikir lo a nih chuan Mizoram tan dinchhuah leh ngaihna a awm tawh dawn lo nia a lan thu a sawi ve bawk. Zawhna chhangin Wake Up Mizoram Mission hruaitute chuan inthlanna thianghlim leh felfai a awm theih nana MPF hmalakna chu \ha viau mah se, tihtheih chin a neih avangin chumi piah lama hmala tura pen chhuak an nih thu an sawi a. An pawl chuan inthlanna felfai a awm mai piah lamah chanchin \ha nena inmawi Politics khelh a nih theih nan hma an la dawn niin an sawi a ni.
