Mizo hlaphuatu intelkhawm, Mizo Song Composers Society-in Durtlang Leitan BSUP chhiatna tawkte \anpui nana Charity Concert an buatsaiha sum an hmuh Rs. 30,000 chu vawiin Leitan Branch YMA kutah an hlan.

He sum hi MSCS President, Lalengkima Hauhnar, Secretary, Pu Lalhruaitluanga Renthlei leh Treasurer, Myztic Sailo-ten Leitan Branch YMA President, Pu K. Lalzuiliana hnenah an hlan a. MSCS hian BSUP a chengte tan hian tun thla ni 11 khan Aizawlah Charity Concert hi an buatsaih a ni.